Proiektuak bi helburu nagusi ditu. Batetik, egitasmoak nahi du Dorleta eraikuntza berriztatzea, fakultateak izan duen hazkundeari aurre egin ahal izateko, eraikina efizienteagoa egiteko eta arkitektonikoki egokitzeko fakultateak bultzatzen duen hezkuntza-eredu berritzaileari. Bestetik, proiektu honek nahi du Eskoriatzako herriari eskaintzea zerbitzu, eraikin eta ingurune hobeago bat, alegia, campus irekiago, erabilgarriago eta erakargarriago bat.
Dorleta eraikina 1976. urtean altxatu zen, eta bertan kokatu zen Euskal Herrian aitzindaria izandako Eskoriatzako Irakasle Eskola.
Euspot lehiaketaren 2018ko edizioan "izugarrizko igoera" izan da parte hartzaile kopuruan eta kalitatean, guztira 73 spot aurkeztu dira lehiaketara, iaz baino 22 gehiago. Sari nagusia, berdinketa eman denez, Orozko eta Gasteiz artean banatu dira. Irudi digitala gure bizitzako harremanetan izan da gaia eta sare sozialen erabileraren inguruan hausnarketa egitea izan du helburu, beti ere euskarazko sormena bultzatuz.
Irabazleak
Guztira, Euspotek 2.550 euro banatu ditu saritan, bost kategoria ezberdinetan:
Bihar, eguena, egingo dute Arkupe kultura etxean, 19:00etan, Iban Garcia youtuber-ak eta Ana Goitia instagramer-ak aurkeztuko duten eta umoretik joko duen ekitaldia; guztiontzako zabalik dago, eta sariak banatu ondoren, luntxa egingo dute.
Genero identitateak: izateko eta esateko erak izena ipini diote, Mondragon Unibertsitateko Humanitate eta Hezkuntza Zientzien fakultateak antolatuta gaur egin duten literatur topaketari.
Eusko Jaurlaritzako Hezkuntza Sailak eta Humanitate eta Hezkuntza Zientzien Fakultateak elkarlanean antolatuta, apirilaren 19an egingo da Mondragon Unibertsitateko Orona-Ideo campusean “Hezkuntza eraldatzeko bidaian elkarrekin aurrera” jardunaldia. Goiz osoko jardunaldiak bi eremu estrategikotan jarriko du azpimarra: DBH eta Batxilergoko hizkuntza proiektu integraletan eta STEAM pedagogietan.
Pamiela argitaletxeak kaleratu du saiakera Humanitate eta Hezkuntza Zientzien Fakultateko Euskal Kulturgintzaren Transmisioaren aditu tituluarekin batera.
Aurkezleek gogo handiz hasi dute azken eguneko emanaldia. HUHEZI fakultateari eta aurtengo antolatzaile taldeari Huhezinema bezalako jaialdiak hasiberri eta ez hasiberriak direnei eskerrak emanez, Sail Ofizialeko film laburren proiekzioei eman zaie hasiera, hura bi blokeetan bananduz.
Lehenengo blokean honako film laburrak proiektatu dira: Tarde para el recreo (Pablo Malo), Kreba (Oiera Fuertes), La Petite Mort (Ana González eta Andrea Landaluce), Plagan (Koldo Almandoz) eta Aprieta pero raramente ahoga (David Pérez Sañudo).
Martxoaren 21etik 23ra, film laburrez beteko da Aretxabaleta. Mondragon Unibertsitateko Ikus-entzunezko Komunikazioa Graduko 4. mailako ikasleek antolatzen dute Euskal Film Laburren Jaialdia.
Latinoamerikan ekonomia sozial eta solidarioan dabiltzan hamasei lagun master bat egiten ari dira Mondragon Unibertsitatean: elkarteetan eta indigenekin egiten dute lan, batik bat, eta euren egitasmoak sendotu eta bideragarri izan daitezen trebatuko dituzte martxoaren 23ra bitartean.
Ikastaroaren helburu nagusia Latinoamerikako ekonomia sozial solidarioan aritu diren erakundeei euren ekimenak sendotzeko eta bideragarri izateko baliabideak eskaintzea da.
