Proiektu ezberdinetan elkarlana bultzatu eta Mondragon Unibertsitateko ikasleek beraien praktikaldia EiTBn egitea ahalbidetuko du, besteak beste, Maite Iturbek eta Vicente Atxak sinatutako akordioak.
Mondragon Unibertsitateko errektorea, Vicente Atxa eta Zuzendaritza Batzordeko kide batzuk Mexikon daude, Monterreyko Hezkuntza Berrikuntzari buruzko Nazioarteko kongresuan parte hartzeko.
Mondragon Unibertsitateko Kontseilu Errektoreak aho batez izendatu du errektore Vicente Atxa beste lau urterako. Gaur, abenduak 10, egin dute bilera; berrautapen-prozesuan parte hartu dute fakultateetako zuzendaritza-batzordeetako lehendakariak eta ordezkariek, eta unibertsitatean parte hartzen duten enpresa eta erakundetako ordezkariek.
Mondragon Unibertsitateak bikain kalifikazia jaso du U-Multirank-en rankinean dauden 5 dimensioetako parametro desberdinetan (irakaskuntza, ikerketa, ezagutzaren transferentzia, nazioartekotzea eta eskualdeko inguruarekin lotura). Bereziki aipatzen da ranking honetan, Mondragon Unibertsitateak duen papera ezagutzaren transferentzian eta eskualdearekin duen konpromisoa. U-Multirank mundu mailako ranking handiena, eta zehatzena kontsideratzen da.
Unibertsitateak titulu dualaren zigilu ofiziala lortu du Unibasqera aurkeztutako 15 titulazioetan eta euskal unibertsitateen artean lidergoa lortzen du bere eskaintzan titulazio dualen kopururik altuenarekin (10 gradu eta 5 master ziurtatu ditu).
Bi erakundeen arteko ezagutzan sakontzeko asmoz, hitzaldi, mintegi eta beste hainbat ekimenetan parte hartzeko konpromisoa hartu dute. Azken hiru ikasturtetan MUko 27 ikaslek Gureak-en praktikak egin dituzte eta horietatik 11 kontratatuak izan dira.
CyD Fundazioaren rankingak estatuko 69 unibertsitateren bikaintasuna aztertzen du, 17 ezagutza-eremu baloratuz; ezagutzaren transferentzia, nazioartekotzea... Mondragon Unibertsitateak 13. postua eskuratu du sailkapen horretan; bereziki puntuazio altua lortu du irakaskuntza eta ikaskuntza dimentsioan eta ezagutzaren transferentzian.
Mondragon Unibertsitateko errektorea eta zuzendaritza-taldea Estatu Batuetan egon berri dira MITen (Massachusetts Institute of Technology) eskutik. Bi erakundeek elkarlanean jardungo dute Estatu Batuetan gizarte-ekonomia sustatzen eta hezitzaile eta graduatuei prestakuntza ematen, Cooperatives for a Better World elkartearen bidez herrialde hartan kooperatibak abian jartzeko.
