Mondragon Unibertsitateko Humanitate eta Hezkuntza Zientzien Fakultateako Biziberritu jardunaldia antolatu du, ekainaren 20an, Eskoriatzako campusean. Ekitaldia 15:00etan hasiko da eta irekia izango da, baina, interesatuk aldez aurretik eman beharko dute izena.
Maiatzaren 27ko ostiral arratsean, Orona Fundazioaren Areto Nagusian (Galarreta-Hernani) Euskalerrigintzaren geroaz, liburu aurkezpena eta herrigintzaz eztabaida izenburupean egin da Oreki Fundazioak antolatutako ekitaldia. Bertan, Fundazioak sustatuta argitaratu duten Burujabetzaren bidetik. Bakoitzak urraturik berea, denon artean geurea liburu kolektiboa aurkeztu dute lehenik. Ondoren, Euskal Herriko herrigintzaren geroari begirako solasaldi mamitsua egin dute Xabier Barandiaranek, Iratxe Esnaolak eta Ana Urkizak.
Mondragon Unibertsitateko Ikus-entzunezko Komunikazioko 6 ikasleko talde bat, lau bizkaitar, arrasatear bat eta gasteiztar bat, ‘Ni horrelakoa naiz’ izeneko film labur bat egiten ari dira. LGTBIQ+ kolektiboari ikusgarritasuna eman nahi dion film laburra da.
Maite Diosdado arrasatearra proiektuaren produktorea da, eta hainbat marka eta enpresa gure proiektuaren babesleak izatea lortu du: Alzola, Bascook, Basque Select, Las casas de la cascada, Sagardoetxea museoa, Txalaparta, Ñam… Hala ere, proiektua aurrera atera ahal izateko crowdfunding-a kanpaianarekin hasi dira.
Mondragon Unibertsitateko Humanitate eta Hezkuntza Zientzien Fakultateak ireki du izen-ematea Euskal Kulturgintzaren Transmisioa (EKT) aditu tituluaren 9. edizioan. Euskal kulturgintzan erreferentziazko ikastaroa hasiko da 2022ko irailaren 24an.
II. Komunikazio Campusa egingo dute aurtengo udan Mondragon Unibertsitateak eta Goiena Komunikazio Taldeak. Astebeteko bi txanda egongo dira: lehena, uztailaren 4tik 8ra; eta bigarrena, 11tik 15era. Dagoeneko irekita dago izen-ematea.
Telesforo Monzon eLaborategia (TMeLab), Mondragon Unibertsitateko Humanitate eta Hezkuntza Zientzien Fakultateak eta Arantzazulab-ek elkar lanean, XXI. mendeko demokrazia eredu berriak: asanblada herritarrak edo demokrazia deliberatiboa jardunaldia antolatu dute martxoaren 15erako. Bertan, besteak beste, Eskozia, Frantzia, Irlanda eta Euskal Herriko esperientziak ezagutu ahal izango dira.
Otsailaren 18an, Lurraldeak eta kooperatibak; Katalunia eta Euskal Herriko esperientziak jardunaldia antolatu du KoopFabrikak Arantzazun, Katalunian azken urteetan abian jarritako politika publiko berritzaileak ezagutu eta Euskal Herrian logika horien sustapenerako eredu propioen garapenaz hausnartzeko. Era berean, Euskal Herriko praktika eta egitasmoak ere ezagutzeko aukera egongo da.
Aurkeztu da Euspoten edizio berria Euskadiko Kooperatiben Goren-kontseiluaren eraikinean. Hauek parte hartu dute: Belen Balerdi, Euskadiko Kooperatiben Goren Kontseiluko idazkari nagusia; Arantzazu Lagunilla, Arteman Komunikazioko zuzendaria; Xabi Igoa, Mondragon Unibertsitateko Komunikazio digitala ibilbideko koordinatzailea; Unai Elkoro, Aretxabaletako alkatea; Rober Gutierrez, Bai Euskarari Elkartearen zuzendaria eta Naiara Okina, Arizmendi ikastolako komunikazio arduraduna.
