Kaliforniako unibertsitateko ikerlariak irakasletza-ikasketa prozesuan bideoaren erabilerak dituen abantailak izango ditu berbabide bihar, egubakoitza, goizeko 9:00etan.

Mondragon Unibertsitateko Humanitate eta Hezkuntza Zientzien Fakultateak antolatuta, Rosella Santagata Kaliforniako unibertsitateko ikerlariak hitzaldia emango du bihar, egubakoitza, Kulturaten. Goizeko 9:00etan izango den hitzaldian, irakasletza-ikasketa prozesuan bideoaren erabilerak dituen abantailak azalduko ditu, besteak beste. Saioa unibertsitateak ikerlariei bereziki zuzendutako Ikasgela hizkuntzaren ikas-irakaskuntzarako ikerketa gunea izeneko simposiumeko ekitaldi publiko moduan.

Bideoaren alderdi harrigarriak: irakasletza-ikasketetan bideoa modu eraginkorrean erabili ondoren ikusitako hainbat giltzarri izeneko hitzaldia, hortaz, aipatutako mintegiaren baitan kokatzen da. Jardunaldiaren asmo nagusia izango da aztertzea hizkuntzaren (edo hizkuntzen) eta literaturaren irakaskuntzari eta ikaskuntzari buruzko ikerketa-metodologien eta ikuspegien arteko aldeak. Izan ere, jardunaldiaren helburua da eztabaidatzea hezkuntza arloko ikerketetan erabiltzen diren metodologiekin eta ikuspegiekin zerikusia duten zenbait alderdiri buruz. Rosella Santagatak Kulturaten eskainiko duen hitzaldia ingelesez izango da, baina antolatzaileek aldi bereko itzulpen zerbitzua eskainiko dute.

Hemen, Mondragon Unibertsitatearen webgunera lotura.

Iturria: MONDRABERI.com