Datu positiboak itzuli dira industriaren eta beste sektore batzuen bilakaerari buruzko estatistiketara. Hazkundea, ekoizpena, esportazioak, baita enplegua ere. Baina bada krisitik erabat suspertu ez den datu bat: I+G Ikerketa eta Garapenean egiten den inbertsioarena.
Euskal Herri osoko datua Gaindegiarena da. 2012an jo zuen goia I+Gan egindako inbertsioak —BPGaren %2,09—, baina ordutik aurrera, ehunekoa apalduz joan da. Azken datua 2015ekoa da: urte hartan, Euskal Herriko barne produktu gordinaren %1,81 hartu zuen I+Gan egindako inbertsioak.
