Antzuolan kokatuta dagoen AMA TXO gaztandegiak 2017. urtean lehen urratsak egin zituenetik, Leartiker bidelagun teknologiko izan du, bertan ekoizten diren gazten garapen eta ekoizpenari dagokionez.

Latxa arrazako ardiak dituzte, ekoizpen ekologikoaren aldeko hautua egin dute eta, bere sorreratik, gazta mota ezberdinen ekoizpenean oinarritu izan dute gaztandegiaren jarduera. Ohiko gazta tradizionaletatik aldendu eta gazta berritzaileak ekoitzi nahi izan dituzte, beraien berezko  nortasuna bilatuz.

Ibilbide horretan zehar, eta Eusko Jaurlaritzatik lortutako dirulaguntzari esker, hurrengo gazta-gama definitu, garatu eta merkaturatzea lortu dute Leartiker-ekin elkarlanean: tipizitate handiko ardi-gazta ondua (AMETS); gainazal lizundua duen pasta biguna (LANBROA); koagulazio laktiko bidezko eta espezie nahaste espezifikoekin estalitako gaztak (ARBOLA); oliba olio eta ongailuekin ontziratutako “Feta” estiloko gazta (TXINPARTA); gazta zabalgarri ezberdinak (ALDAPA); eta “Stilton” izaerako gazta urdina.

Fuente: leartiker.com