Tren sektorea modernizatzen ari da teknologia berrietara moldatzeko. Duela gutxi, proiektu europar bat jarri da martxan, zeinaren bidez trenen monitorizazio eta kontrol funtzioak, orain gailu desberdinetan dauden funtzioak baitira, sistema elektroniko bakarrean bildu dezaketen teknologiak garatuko diren. Proiektuak SAFE4RAIL izena du, eta I+G+B alorrekoa da. Horrek garraiobide horren segurtasuna eta efizientzia areagotzea ahalbidetuko du, eraikitze lanetan eta mantentze lanetan egiten diren kostuak murrizteaz gain.
Datorren otsailaren 16an, IKERLANek Aurkako inguruneetako materialetarako soluzio teknikoak izenarekin egingo den jardunaldi teknikoan parte hartuko du, eta offshore eremu eolikorako garatu duen iragarpen tresna bat erakutsiko du bertan. Itsaso zabalean kokatuta dauden aerosorgailuek oso aurkako ingurune bati egin behar diote aurre, ingurunea uraren gazitasunak baldintzatuta baitago. Inguruneko baldintzek itsasoko aerosorgailu eta plataformen egituren osotasunari nola eragingo dioten iragarri dezakeen soluzio bat garatu du zentroak.
TÜV Rheinlandek egiaztatu duenez, IKERLANek segurtasun funtzionalerako sistema elektronikoak garatzeko duen metodoa bat dator IEC 61508 estandarrarekin. Bost urte dira zentroak egiaztagiri hau lortu zuela eta orain egiaztagiria berritu du hobekuntzetara eta arau aldaketetara egokitzeko. Horrela, orain IKERLAN da munduan esperientziarik handieneko egiaztapen organismoetako batek aitortutako egiaztagiri hau duen lehen erakundeetako bat Europan eta lehena Espainian.
CL-Windcon I+G+b alorreko proiektu europar bat da, parke eoliko efizienteagoak eraikitzeko eredu informatikoak garatzeko asmoarekin abian jarritakoa, eta IKERLAN proiektu horretan ari da parte hartzen. Ekimen honen asmoa da parkeen diseinu integrala optimizatuko duten kontrol ereduak eta algoritmoak inplementatzea, haizeari probetxu gehiago ateratzeko eta parkearen gastuak murrizteko.
Citadel proiektuan parte hartzen ari da, eta bere baitan industria sistemak eta funtsezko azpiegiturak ziber-erasoetatik babesteko tresna eta metodologiak garatzen ari dira.
Datorren abenduaren 15ean, IKERLANEK informazio jardunaldi bat antolatu du Arrasate – Mondragónen duen egoitzan. Bertan, euskal enpresei ezagutzera emango zaie informazioaren eta komunikazioaren teknologien sektoreari (IKT) ematen zaizkion ICT-2017ko deialdi berriko laguntzak (Horizonte2020 programaren baitan dudenak).
IKERLANek, datorren azaroaren 24an Orona IDEOn (Galarretako industrialdea, Hernani) burutuko den ‘1st CREMA/C2NET Industrial Workshop’ izeneko ekitaldiaren antolaketan kolaboratzen du.
IKERLAN aplikazio berritzaile bat garatzen ari da Airbus DS enpresarako, hegazkinen hegoak izotzetik babesteko, eta horretarako indukzio elektromagnetikoaren teknologia erabiltzen ari da. Euskal zentro teknologikoak, zeinak elektromagnetismoan oinarritutako aplikazioak garatzen baititu hainbat sektoretarako, material konposatuz eginiko aireontzietan integratuta dagoen sare mehe bat (0,1 milimetrotakoa) berotzeko metodo bat ezarriko du.
IKERLANek jardunaldi bat antolatu zuen bere egoitza nagusian “Lotura itsaskorren bitartezko diseinu soluzioak” gaiaren gainean. Jardunaldia enpresei zuzenduta zegoen, izan ere, asmoa zen enpresei erakustea zer onura dituen teknologia honek eta zer gaitasun dituen zentro teknologikoak eremu honetan eta gai honi lotuta zer aurrerapen egin dituen azken aldian.
Irailaren 14an BATTERIES2020 europar proiektuaren Final Revision Meeting-a egin zen, eta bertan IKERLAN teknologia zentroak lideratu duen proiektuari amaiera eman zitzaion. Nabarmendu behar da proiektua oso modu positiboan baloratu zutela ebaluatzaileek.
