Arrasateko planta berria inauguratu du Dikar kooperatibak, eta bertan izan dira, besteak beste, Iñigo Ucín Mondragon Korporazioko lehendakaria, Marisol Garmendia espainiar estatuko Gobernuak Euskal Autonomia Erkidegoan duen ordezkaria, eta Inmaculada Riera i Reñé espainiar estatuko Merkataritza Ganberako zuzendari nagusia.
40 urtez egoitza Bergaran kokatuta egon ostean eta Larramendi industrialdean paper-industriako hondakinak tratatzeko planta bat kokatzeko aukerak sortutako ziurgabetasunaren harira egindako bozketaren ondorioz, Dikar kooperatibak Arrasatera eroango du egoitza nagusia. Erabakiaren harira, Udal Gobernuak azpimarratu du hondakinen planta ezarri aurretik ere herria "kalteak jasaten" hasi dela; Bergarako EAJk, aldiz, ezker abertzaleak sortutako "alarma sozialari" egotzi dio Dikar herritik joatea.
Oraingoz Bergaran egoitza duen enpresak iragarri du “epe laburrera enplegu gehiago sortuko” duela. Enpresa honek “aire libreko, ehizako eta kirol-tiroko” produktuak ekoizten ditu.
