Mondragon Unibertsitateko Goi Eskola Politeknikoko Industria Diseinuko eta Produktu Garapeneko Ingeniaritza Graduko 46 ikaslek euren proiektuak aurkeztu dituzte, Industria Diseinuko Berrikuntza Zentroak (DBZ) Maier S. Coop-en laguntzarekin antolatutako Colour & Trim formazioaren barnean. Horrela, ikasle bakoitzak ikasturte honetan Premiun alderdiarekin, Colour & Trim formazioan oinarrituta eta Maier Technology Centrek proposatutako planteamendu eta gaiarekin proiektu oso bat garatu dute.

Ikasleek Colour & Trim diseinu proposamenak landu zituzten, zeintzuetan Premium kontzeptua garatu zuten, automobilgintzaren sektorera emozioa eta logika (reason & emotion) eramanez.

Landu ziren proposamenak ibilgailuaren barruko eta kanpoko produktu hauetan zentratu ziren:

• Ibilgailuko aurrealdeko aginte-panela. .
• Atearen paneleko heldulekua.
• Aurrealdeko modulua.
• Ibilgailuko alboetako gainleihoak.

Materialen azterketa, berrikuntza, grafikoen aplikazioa, detailearen garrantzia eta osotasunaren armonia bezalako alderdiak hartu ziren kontuan proiektuak baloratzeko orduan.

Zazpi izan ziren nabarmendutako proiektuak hainbat kategorietan banatuta:

Proiektu onena:

• Aitor Calvo, Shinning/Mat proiektuarekin
• Beñat Garay, Substantiated Indulgence proiektuarekin
• Aitor Urbina, Boreal Heart proiektuarekin

Materioteka onena:

• Jone Ezcurra, Quiet Quality proiektuarekin
• Aitor Urbina, Boreal Heart proiektuarekin

Berritzaileenak:

• Xabier Abel, Flat Faces proiektuarekin
• Nerea Asensio, Peacock proiektuarekin
• Ane Castaño, H20 Prem proiektuarekin

Iturria: MONDRAGON.edu