Mondragon Unibertsitateko Ingeniaritza Biomedikoa eta LEINN gradua ikasten ari diren ikasleak Garaiako Berrikuntza Gunean elkartu dira Multidisciplinary Lab izeneko jardunaldian, osasun sektoreko benetako lau erronka mahai gainean jarri eta hauek diziplina anitzeko taldetan ebazteko.

Multidisciplinary Lab jardunaldian Mondragon Unibertsitateko 60 ikasle batu dira osasun sektoreko benetako erronken gainean aritzeko eta hauek ebazteko. Ingeniaritza Biomedikoko eta LEINN (Lidergo Ekintzaile eta Berrikuntza) gradutako ikasleez osatutako diziplina anitzeko taldetan Ulma eta Griffols bezalako enpresek proposatutako erronken gainean lanean aritu dira, osasun sektorearen ikuspegi orokorra eman ondoren. Arrasateko Garaia Berrikuntza Gunean egin dute jardunaldia eta proposatutako erronkak ebazteaz gain, ikasleen arteko diziplinartekotasuna bultzatzea izan du helburutzat.

Iturria: goiena.eus