MONDRAGONeko ekimenen esparruaren barruan, datorren 2015eko otsailaren 5ean Brocante Teknologikoaren 2. edizioa egingo da Arrasateko Garaia Berrikuntza Guneko ekitaldi aretoan
Ekimenaren interesaren jatorria egiaztapen bat da, hau da, baliabide ekonomikorik ez dagoelako, enpresa estrategia orokorrarekin bat etortzerik ez dagoelako, komertzializatzeko kanalik ez dagoelako… gure kooperatibetan garapen fase aurreratuan dauden hainbat proiektu etenda daudela, eta horiek stock teknologiko bat eratzen eta gauzatu gabe dauden negozio aukerak direla. MONDRAGONeko BACen ustez, beharrezkoa da lokartuta dagoen aukera multzo horri beste aukera bat ematea.
Garaia Berrikuntza Gunean, Brokante Teknologiko bat egin da gaur goizean. 19 proiektu aurkeztu dira, proiektuak merkaturatzeko asmoz.
Mondragon Taldeko BAC proiektuak (Business Acceleration Center proiektuak) antolatu egin du Brokante Teknologikoa.
Brokante bat da enpresen topagune bat, harremanetan jartzeko gune bat. Enpresa batzuek euren proiektuak aurkezten dituzte, beste enpresek proiektua sostenga dezaten, azkenean proiektua merkaturatu ahal izateko.
