MONDRAGONeko BAC-eko Zuzendarien Foroaren hirugarren topaketa datorren maiatzaren 31n egingo da, arratsaldeko 15:00etatik aurrera, Garaia Berrikuntza Guneko Ekitaldi Aretoan, eta gai zerrenda honi jarraituko dio:

1.       Jardunaldiaren sarrera, Berrikuntza, Sustapen eta Ezagutzarako lehendakariordea den Javier Sotil Arriaranen eskutik.

2.       3M-ren esperientzia negozio berrien sustapen gaietan, 3M IBERIA-ko Zuzendari Nagusi eta Kontseilari Delegatu den Jorge Lopezen eskutik.

3.       MONDRAGONeko Business Acceleration Center-en jarduerei buruzko informazioa, ISEA Koop. Elkarteko zuzendari gerentea den Mikel Orobengoa Ortubairen eskutik.

MONDRAGONeko BACeko Zuzendarien Foroa MONDRAGONeko Business Acceleration Centerren jarduerak eta lan dinamika gizarteratzeko esparruan integratuta dago, eta helburu hauetan oinarritzen da:

·         Enpresa proiektu berriak sustatzeko interesa duten zuzendarien arteko elkargunea eta interakzioa bultzatzea.

·         Barne ekintzailetzako esperientzia arrakastatsuak partekatzea, MONDRAGON Korporazio barrukoak nahiz kanpoko konpainienak.

3M MONDRAGONEKO BAC-eko Zuzendari Foroan parte hartzera gonbidatu izan da zeren eta Korporazio hori munduko paradigmatzat jotzen baita berrikuntzaren arloan. Enpresa modernoaren munduan Berrikuntzari lotutako edozein historiari, estatubatuar multinazional horren kasuarekin ematen zaio hasiera, izan ere, duela mende bat pasatxo sortu zenetik etengabe ingurunera egokitzen eta berrasmatzen jakin baitu.    

Hasieran meatzaritzan jardun bazuen ere, sortzaileak aurki konturatu ziren jatorrizko negozio horretan hartutako gaitasunek ez zietela utziko nabarmentzen eta 1920an denontzako horren ezagun bihurtu diren lixa papera, zinta itsaskorra, audio eta bideo grabaketarako zinta magnetikoa eta halako asmakariak egiten hasi ziren.

Berrikuntzari esker, 1902an sortutako eta lehen hiru urteetan desagertzeko puntuan egondako enpresa hura mundu osoko erreferente bihurtu da bere arloan.   

MONDRAGONeko BAC-eko Zuzendarien Foro berri honetan parte hartzeko, beharrezkoa da izena ematea, bai 943082215 telefonora hots eginez, bai posta elektronikoko helbide honetara mezu bat bidaliz: (mondragon-cp@mondragoncorporation.com).