Tradizionalki, ondutako produktuak eskualde jakin batzuetan ekoizten direla eta gehienak txerri okelarekin eginda daudela uste dugu. Kontsumitzaileak asko estimatzen dituen eta balio erantsi handia duten produktuak dira.

HARAKAI S.COOP. behi- eta ardi-produktuak ekoizten eta merkaturatzen dituen abeltzaintza-kooperatiba da, eta berritzeko eta zentzumen-ezaugarriei, tokiko produktuari eta iraunkortasunari eta kalitateari dagokienez kontsumitzailearen eskaerei erantzungo dieten produktu berriak merkaturatzeko ahaleginean, Eusko Label behi-haragitik ondutako eta heldutako haragi-produktuen gama oso bat garatzeko apustua egin du.

2019ko urrian hasi eta Eusko Jaurlaritzako Elikagaien Kalitate eta Industriako sailaren I+G+B 2019ko programari esker 2020 osoan garatu den Cured Behi proiektuak azken emaitzak erakutsi ditu. Ondutako 3 hestebete produktu garatu dira: txorizo sarta, txorizoa eta saltxitxoi ondua eta behi-zezina. Horiek guztiek Eusko Label dun haragi-eratorria izateko ezaugarriak betetzen dituzte, haragi horrekin egin baitira.

Proiektuan, produktu horien garapenaz eta formulazioaz gain, kalitate-kontrolak eta dastatzeak egin dira, produktuak balioztatzeko eta ondoen balioetsitakoak hautatzeko. Prozesu hori LEARTIKER Elikagaien Teknologiaren eskutik egin da, haragi-produktuen garapenean duen ezagutzari eta esperientziari esker.

HARAKAIk oso balorazio positiboa egin du proiektuaren eta hari esker garatutako produktu-sortaren inguruan, eta, orain, produktu horiek 2021eko udazkenetik aurrera merkaturatu ahal izateko lanetan dihardu.

Iturria:leartiker.com