LKS Next taldeak 62 milioi euroko fakturazioaren itxi du 2023a, eta 2022an baino %17 gehiago lortuta. Taldeak ohar bitartez azaldu duenez, "LKS Nextek ia bikoiztu egin du bere negozioa, eta EAEko punta-puntako talde teknologiko moduan ezarri da". 

Datu hauek gaur eguerdian jakinarazi dira kooperatibaren batzar nagusian, Bilbon. Batzar horretan, zuzendari nagusiak, Elena Zarragak, taldeaktalentu profesionala erakartzeko helburu estrategikoa "aldaezin" mantentzen duela adierazi du.

Azken urtean, finkatutako lantaldea 70 pertsonatik gora hazi da, eta 738 profesional gehiago daude. "Baliteke urtea 800 pertsona baino gehiagorekin amaitzea, horietatik 100 profesional baino gehiago Madrilen lanean", azpimarratu du Zarragak.

"Baliteke urtea 800 pertsona baino gehiagorekin amaitzea, horietatik 100 profesional baino gehiago Madrilen lanean"

EBITDA 4,5 milioi eurokoa izan da. Zarragaren esanetan,  "LKS Next gaur egun euskal kapital nagusia eta erabakigunea EAEn duen talde teknologiko bakarra da eta estatuko lehenengo 100 taldeen artean dago". Gainera, bere hitzaldian, "taldearen plantillaren %95ek kontratazio egonkor mugagabea edo sozietarioa" duela nabarmendu du.

2023ko mugarri garrantzitsuak

2023an lortutako mugarri estrategikoen artean, zuzendari nagusiak LKS Next Gobteh markaren sorrera aipatu du, Administrazio Publikoen digitalizazioa indartzeko sortutakoa. 

Bestalde, konpainia 2025-28 aldirako hausnarketa estrategiko berri batean murgilduta dago. Orain arte bezala, berrikuntzaren, inbertsioaren eta balio erantsi handiko merkatu eta enpresen aldeko apustua egiten jarraituko duela azaldu dute.

Iturria: enpresabidea.eus