Urriaren 21ean Urkulu urtegia, partaidetzaren, elkartasunaren eta konpromisoaren topaleku bilakatuko da, Mundukideren laugarren lasterketa solidarioa dela eta.

Hiru modalitate

Aurreko urtean bezala, aurten ere hiru modalitate egongo dira, lasterketa, Nordic Walking eta Oinezko ibilaldia.

• Lasterketa: Kooperatibetako kideen arteko 3 pertsonako ekipotan lehiaketa. (7km). Goizeko 11:00etan.
• Nordic Walking: Publiko guztiarentzat. 7 kilometroko erakustaldia (ez da lehiakorra). Goizeko 10:30etan. Bakarkako froga da.
• Oinezko ibilaldia: Publiko guztiarentzat 7 kilometroko erakustaldia (ez da lehiakorra). Goizeko 10:30etan. Bakarkako froga da.

Izen-ematea

Antolakuntzatik hiru modu jarri dituzte lasterketa solidarioan izena emateko eta urriaren 18a izango da azken eguna.

• Mundukideren webgunean: https://www.mundukide.org/eu/sentsibilizazio-ekintzak/lasterketa-solidarioa/
• Enpresa kooperatibetan
• Egunean bertan Urkulun: 9:00etatik 10:00etara bitartean

Kirolari ezagunak

Badira lasterketa solidarioan parte hartuko duten kirolari ezagunak: Beñat Arnaiz (Fagor Elektronika), Silvia Trigeros (Fagor Ederlan) eta Riki Abad (Ederlan Tafalla).

Iturria: goiena.eus